Thursday, January 31, 2013

නොකලෙන් නිසි පරිදි දහම් ඉගනුම අහෝ අන්වර් නොදුටි සඟ ගුණ 02

භික්ෂු/භික්ෂුණින්  වහන්සේලාගේ විනයානුකුල  පැවැත්ම ගැන තීරණ ගැනීම කල යුත්තේ ත්‍රිපිටකයේ ඇති විනය පිටකයේ  නියමයන්ට අනුව පමණි. එකී විනය පිටකයේ භික්ෂු/භික්ෂුණින්  වහන්සේ නමක් වරද කරුවෙකු විය හැකි  සුළු වැරදි සහ මහා වැරදි උදාහරණ මගින් විස්තර කර ඇති අතර එම වැරදි අනෙක්  භික්ෂුන් වහන්සේලා ඉදිරියේ  ප්‍රකාශ කිරීමෙන් (ඇවත් දෙසීමෙන්) සමනය කර ගත හැකි බවද සඳහන් වේ. භික්ෂු/භික්ෂුණින්  වහන්සේලාගේ මහන කම නැති වීමට නම් විනය පිටකයේ පැහැදිලිවම දක්වා ඇති පාරාජිකා 4 න් එකක් හෝ කලයුතුය. මිට අමතරව පවත්නා රාජ්‍ය නීතියට  භික්ෂු භික්ෂුණින්  වහන්සේලා යටත්  විය යුතුය.  එහෙත් අන්වර්ගේ දහම් දැනුමට අනුව උද්ඝෝෂණයක් කරන භික්ෂුන් වහන්සේලාගේද මහන කම නැතිවේ. චීවර ධාරීන් වශයෙන් එම භික්ෂුන් වහන්සේලා  හඳුන්වන්නේ එබැවිනි. 


තවද බුදුන් වහන්සේ දායාද ඉල්ලා තමා පසුපස පැමිණි  රාහුල කුමාරයාට තමන් වහන්සේ සතු ආර්ය ධනය දීමට එම කුමරා  මහන කල සේක. එම අවස්ථාවේදී මුනුබුරා අහිමි ශෝකයෙන් කම්පිතවූ  සුදොවුන් මහරජාණන් සැනසීමට බුදුන් වහන්සේ  විනය නීතියකින් පැවසුවේ  මින් ඉදිරියට වැඩිවිය නොපත් දරුවන්  මහන කර නොගන්නා බවය. එමෙන්ම මහන කිරීමට වැඩිහිටියන්ගේ කැමැත්තද අවශ්‍ය බවද නියම  කර ඇත.  මෙම නිතිය හේතු කොටගෙන පසු කාලයකදී  ආනන්ද හිමියන්ට දෙමාපියන් මිය යෑම නිසා අසරණවූ කුඩා දරුවන්  දෙදෙනෙකුට සරණක් වීමට නොහැකිවිය. එවිට  ආනන්ද තෙරුන්ගේ අයදිම මත, බුදුන් වහන්සේ කපුටෙක් එළවීමට තරම් ශක්තියක් ඇති දරුවන්ගේ පටන් මහන කිරීම අනුදැන වදාල සේක. එතෙත් අන්වර් අපිට උගන්වන්න බුද්ධාගමේ තියෙන්නේ වැඩිහිටියන් මහන කිරීමටය. ඔවුන්ද පුහුණු කාලයක් ගත කර ලිඛිත පරීක්ෂණයකින් සමත් උනාට පසුව ආධුනික කාලයක් ගත කලයුතුය. වාර්ෂික ඇගයීම් කලයුතු අතර අසමත් වන්නන් උපැවිදි කල යුතුය. අපට මෙහෙම බන කියන්නට අන්වර් හිතන්නේ ඔහු බුදුන් වහන්සේටත් වඩා ඉහලින් බුද්ධ ධර්මය දන්නා නිසා විය යුතුය. මෙවන් වැදී  බන වලට අන්වර්ට අගුල්පත් තබන්නේ ආචාර්‍ය උපාධියක් ඇතැයි කියන තවත් සිංහලයෙකි.  ධර්මය ගැන මෙලෝ හසරක් නොදන්නා  සෙසු මුස්ලිම් ජාතිකයන් තව තව උපදෙස් දෙති. ඔන්න අන්වර් ධර්මය ඉගෙන ගත් හැටි. වැරදි සෙවීමේ පරමාර්ථයෙන්ම බුද්ධ ධර්මය ඉගෙන ගත්තාම මෙවැනි උපදෙස් හැර වන මොනවා දෙන්නද?
සමරසේකර 
3 කොටස ඉදිරියේදී,
 

2 comments:

  1. Samajayata aluthinma ekathuwu Pirula anwerge budu dahama wage(meya keneku thaman harihati nodanna deyak wisthara kireemata yamak wenuwen yoda gatha heka)

    ReplyDelete
  2. ඉහත කොම්මේන්ටුව සංශෝඩ්නයක්......
    සිංහලයන්ට අලුතින්ම එකතුවූ ප්‍රස්තා පිරුල "අන්වෙර්ගේ බුද්ධාගම වගේ " (මෙය කෙනකු තමන් හරිහැටි නොදන්නා දෙයක් විස්තර කිරීමට යාමක් වෙනුවෙන් යොදා ගත හෙක.)

    ReplyDelete